Banda Oriental

La Banda Oriental foi un territoriu allugáu al este del ríu Uruguái y al norte del Río de la Plata, sobre la mariña atlántica de Suramérica. Tomaba una zona que se correspuende en forma averada cola actual República Oriental del Uruguái y l'actual estáu brasilanu de Rio Grande do Sul. Yera la tierra más oriental del Virreinatu del Río de la Plata y la so estensión menguó a midida que partes del so territoriu fueron incorporaos a Portugal como parte de la Capitanía de Ríu Grande de San Pedro.

Nun constituyó una unidá alministrativa hasta la creación de facto por José Artigas de la Provincia Oriental en 1813 y el posterior decretu del Direutor Supremu de les Provincies Xuníes del Río de la Plata del 7 de marzu de 1814, que creó formalmente la Gobernación Intendencia Oriental del Río de la Plata.